ستوديو : عمرو أديب ينفعل بسبب تظاهرات فرنسا: لن نخضع للابتزاز حتى لو ماكرون قلع هدومه (فيديو) (طباعة)
عمرو أديب ينفعل بسبب تظاهرات فرنسا: لن نخضع للابتزاز حتى لو ماكرون قلع هدومه (فيديو)
آخر تحديث: السبت 08/12/2018 11:36 م أحلام عبدالرحمن

انفعل الإعلامي عمرو أديب، على الهواء، بسبب تصاعد التظاهرات في فرنسا، رغم نزول الحكومة الفرنسية على رغبة المتظاهرين، وألغت الزيادة الضريبية.

وقال أديب خلال تقديم برنامج "الحكاية" المذاع عبر فضائية "إم بي سي  مصر": "منذ أسبوع نتعرض للابتزاز، بيقولوا شايف الشعب الحر اللي بياكل كرواسوه أرجل من اللي بياكل طعمية، لازم نقف جنب الانتفاضة، وكأن باريس من بقية العائلة وأقاربنا كلهم في باريس".
وأردف: "آسف لن أخضع للابتزاز، مش عاجبني اللي بيعملهم الفرنساويين في بلدهم، مش هعمل كده ومش هبتز لو ماكرون قلع هدومه في الشارع، لأن في أوروبا ناس قررت إن مفيش دولة، إذا الشعب يومًا أراد الحياة فلابد أن يتم تدمير البلد، كل مرة نزل الشعب فيها جاب البلد عاليها واطيها، أنا متعاطف مع الحكومة الفرنسية، أنا فلول فرنسا يا جماعة".