رئيس مجلس التحرير
د.محمد الباز

أيمن بهجت قمر: "جماهير الزمالك ساندتني.. واحترم الخطيب"

أيمن بهجت قمر
أيمن بهجت قمر
طباعة

قال الشاعر الغنائي أيمن بهجت قمر، إن عدد من جماهير نادي الزمالك ساندته في أزمته الأخيرة مع بعض جمهور النادي الأهلي.

وقال عبر صفحته الشخصية بموقع "تويتر": "من عجايب القدر أو بمعنى أكبر من جدعنة المصريين في مشكلتي مع بعض المتعصبين من جماهير الأهلي اللي هاجموني وشتموني على مدار أسبوعين بسبب تعاقدي مع هيئة الترفيه اللي بيمثلها صديقي المستشار تركي ال الشيخ اللي بكن له كل احترام زي بالظبط ما بكن كل احترام وتقدير للكابتن محمود الخطيب".

وأضاف: "اللي عمري ما أتخيل إن حد يتخيل إني أسيئ له أو لناديه الأهلي اللي بشجعه من وأنا طفل وأي كلام اتقال ظلم وافترى وتلفيق وجوجل موجود، أرجع للنقطة الأساسية أن جماهير الزمالك وقفوا جنبي وبقوا بيقولوا لهم ده أهلاوي بتهاجموه إزاي! وكانوا سند بصراحة".

وتابع: "عشان كده أنا خدت عهد على نفسي إني بعد كده برغم تشجيعي للأهلي وعشقي له هراعي مشاعر أي مشجع زملكاوي صديق أو غريب وعمري ما هنسى لهم وقفتهم جمبي وحقيقي محبتهم في قلبي زي بالظبط محبتي لجمهور الأهلي بس الجمهور الواعي اللي بيقرأ ويفهم ويقيم مع كامل احترامي لجماهير مصر كلها".

أيمن بهجت قمر: "جماهير الزمالك ساندتني.. واحترم الخطيب"

إرسل لصديق

التعليقات
ads
ads
ads